დროში ფულის ღირებულება
დროში ფულის ღირებულება – Time Value of Money (TVM) − შეხედულება, რომლის მიხედვითაც, გარკვეული რაოდენობის ფულის მიმდინარე ღირებულება უფრო მეტია, ვიდრე მისი ღირებულება მომავალში. ეს თეორია გამყარებულია 2 ძირითადი მოსაზრებით:
- კაპიტალს ახასიათებს პროდუქტიულობა, ანუ მიმდინარე პერიოდში შესაძლებელია ფულის ინვესტირება, შესაბამისად, მომავალში იგი დამატებით სარგებელს გამოიმუშავებს;
- სხვა თანაბარ პირობებში ადამიანებს დღევანდელი მოხმარება ურჩევნიათ მომავალ მოხმარებას.
დროში ფულის ღირებულებაზე მოქმედებს სხვა ფაქტორებიც, მაგალითად, დამატებითი სარგებლის გამომუშავებასთან დაკავშირებული რისკი, ლიკვიდობა და მოსალოდნელი ინფლაცია.
